حاضر ماركت — Hader Market
متوفر الآن · الإصدار 0.1.2

سوبرماركتك كله
حاضر قدامك

نقطة بيع للسوبرماركت: بالباركود والميزان، بالحبة والكرتونة والكيلو، عروض وخصومات، ورديات الكاشير والدرج، ومخزون وحسابات بتنكتب لحالها. على الكمبيوتر والموبايل، حتى بدون إنترنت.

  • ✓ ويندوز 10 و 11
  • ✓ أندرويد 10 وأحدث
  • ✓ لوحة ويب للمالك

شاشة بيع على طريقة السوبرماركت

الطابور بيمشي: الإيد على الماسح، والباقي بيصير لحاله.

امسح وبس

كل مسحة بتضيف، والكرتونة بباركودها بتنضاف كرتونة. اكتب 5* قبل المسح وبتنضاف 5.

الميزان

ملصق الميزان بينقرا لحاله: الصنف ووزنه أو سعره. والخضار والخبز بأزرار سريعة.

تعليق فاتورة

الزبون نسي غرض؟ علّق فاتورته وكمّل مع اللي بعده، وارجعلها بضغطة.

الباقي قدامك

المبلغ المستلم بأزرار جاهزة (20، 50، 100)، والباقي بخط كبير، وفحص سعر بدون ما ينضاف.

كل اللي بيحتاجه السوبرماركت

بالحبة والكرتونة والكيلو

كل صنف بوحداته: حبة، شدّة، كرتونة، كل وحدة بسعرها وباركودها. والموزون بالكيلو للغرام.

العروض والخصومات

سعر خاص لفترة، 3 بـ10، اشتري 2 وخذ 1 مجاناً. بتطلع لحالها على الشاشة والفاتورة.

ورديات الكاشير والدرج

كل كاشير بيفتح ورديته بعدّ الدرج ويسكّرها بعدّة. العجز والزيادة بينسجلوا، وتقرير الوردية بينطبع.

عين على السلة

أي صنف بينشال من السلة قبل الدفع بينسجل مين شاله وبكم، وبتشوفه أنت من الموقع.

المخزون والموردين

استلام بالكرتونة، نواقص، جرد وإعدام، والصلاحية للأصناف اللي إلها صلاحية بس. ديون الموردين وكشوفهم.

حسابات وبدون إنترنت

قيود تلقائية، مصاريف، قائمة دخل وميزانية. الشغل على الجهاز، والمزامنة مع الموقع أول ما يرجع النت.

الإصدار 0.1.2

نزّل حاضر ماركت

اختار جهازك. بعد التثبيت بتسجّل محلك، وأول ما نوافق بتبدأ البيع.

ويندوز

للكمبيوتر على الكاشير
  • ويندوز 10 أو 11 (64-بت)
  • بيطبع على الطابعة الحرارية ويفتح الدرج
  • حجم الملف: 118 ميغا
تنزيل لويندوز (.exe)

أندرويد

للموبايل والتابلت
  • أندرويد 10 أو أحدث
  • بيقرأ الباركود بالكاميرا
  • حجم الملف: 55 ميغا
تنزيل لأندرويد (.apk)

لوحة المتابعة

للمالك، من المتصفح
  • المبيعات والورديات والعروض
  • كل محلاتك بحساب واحد
  • market.hader.ps
ادخل للوحة

أسئلة بتتكرر

بيشتغل بدون إنترنت؟

نعم. البيع والمخزون والحسابات كلها على الجهاز. الإنترنت بيلزم أول مرة للتسجيل، وبعدها للمزامنة مع الموقع والنسخ الاحتياطي لما يكون متوفر.

بيشتغل مع ميزان الملصقات عندي؟

أغلب موازين الملصقات بتطبع باركود EAN-13 فيه رقم الصنف والوزن أو السعر. بتضبط بداية الباركود وعدد خانات الصنف من الإعدادات، وبتعطي كل صنف موزون رقمه على الميزان.

كيف بيفتح الدرج؟

الدرج بينوصل على طابعة الفواتير. بتفعّل «Open cash drawer» بإعدادات تعريف الطابعة بويندوز، وبيفتح مع كل فاتورة ومع زر «فتح الدرج» بشاشة البيع.

كيف بثبّت نسخة الأندرويد؟

بتنزّل الملف وبتفتحه، وأول مرة بيطلب أندرويد تسمح بالتثبيت من هالمصدر. التحديثات بنفس الطريقة وبياناتك بتضل محفوظة.

بدك نجهّزلك محلك؟

بنساعدك تدخل أصنافك وأرصدتك، نضبط الميزان والطابعة، ونعلّم الكاشيرية.

اتصل فينا: 0594 120 040